آهنگ قشقایی “گئنه من ,گئنه سن ” از پوریا پناهی

‌
گئنه من گئنه سن

گِئنَه مَن گِئنَه ساز
گِئنَه بیـر غَم‌لی قَس آواز
گِئنَه سَن گِئنَه ناز
گِئنَه طاقَتیم اوْلموش آز
گِئنَه مَن گِئنَه سَن
گَل اوْلاگ بیر بیرَه هَم‌راز

گِئنَه مَـن گِئنَه قار
بولوت تَکین گؤزۆم آغلار
گِئنَه سَن گِئنَه یار
گؤینۆمۆ آیـرێلێق داغلار
گِئنَه مَن گِئنَه سَن
گَل اوْلاگ بیر بیرَه دِلدار

گِئنَه مَن گِئنَه شَمع
سَن اوْلماسانگ مَن اؤله‌رَم
گِئنَه سَـن گِئنَه غَم
اَلَه یـاغێش یـاغێر نَم‌نَم
گِئنَه مَـن گِئنَه سَن
گَل اوْلاگ بیر بیرَه هَمدم